Welcome to Pro Passport Maker! 📸
Hamara tool aapko bina kisi professional software (jaise Photoshop) ke, apne browser me hi high-quality (HD) passport photos banane aur print layout generate karne ki suvidha deta hai. Niche diye gaye aasan steps ko follow karein:
1
Upload Photo
Sabse pehle "Click to upload image" box par click karein aur apne mobile ya computer se wo photo select karein jise aap passport size me badalna chahte hain.
2
Set Size & Layout
- Passport Size: Apne hisaab se size chunein (Jaise India ke liye 3.5x4.5 cm). Aap 'Custom Size' bhi daal sakte hain.
- Print Paper Size: Apne printer ke paper ka size chunein (A4 ya 4x6 inches).
- Orientation: Agar aap 4x6 paper chunte hain, toh hamesha 'Landscape' select karein taaki ek paper par 8 photos perfectly fit aa sakein.
3
Edit & Adjustments
Live Preview section me dekhte hue apni photo ko perfectly set karein:
Zoom & Pan: Slider se zoom karein aur photo ko mouse se pakad kar (drag) center me laayein.
Rotate: Agar photo tedhi hai toh ghumakar sidha karein.
Filters: Brightness, Contrast aur Color set karein. B&W (Black & White) bhi kar sakte hain.
Border: Photo ke chaaro taraf kaale rang ka border lagana na bhoolein (Eg: 4px).
4
Add to Print Sheet
Jab photo perfect lagne lage, toh box me batayein ki aapko uski kitni copies (photos) chahiye (Eg: 8). Phir "Add To Print Sheet" button par click karein.
Pro Tip (Multi-Person): Ek vyakti ka photo add karne ke baad, aap kisi aur ka photo upload karke use bhi usi same sheet par add kar sakte hain!
5
Preview, Delete & Download
Ab aapko niche "Print Layout Preview" me aapki final ready sheet dikhegi.
- Delete Photo: Agar koi photo sheet par galti se aa gayi hai, toh Preview me bas us photo ke upar click karein (Red 'X' mark) aur wo hat jayegi.
- Clear All: Puri sheet ko ek sath khali karne ke liye iska use karein.
- Export: Apni HD sheet ko Save HD Image (PNG) ya Save PDF karke download karein. Aap direct Print Now button se local printer par command bhi de sakte hain.